KASSI VALAZZA

Existe unha fascinación de culto crecendo ao redor da figura de Kassi Valazza. Despois do seu álbum de debut de 2019, “Dear Dead Days” e o seu sorpresivo EP de 2022 “Highway Sounds”, asentouse na vangarda dos novos cantautores americanos. Nada en Arizona, pero residente en Portland, a súa música porta igual a tradición como traspasa as fronteiras das raíces americanas. O seu novo disco, Kassi Valazza Knows Nothing, editado neste 2023, é unha fascinante colección de cancións, nas que hipnotiza ao oínte cunha voz robusta á vez que amable, con composicións pictóricas de espírito independente, que gardan fortes vínculos co folk británico e as doces melodías de Laurel Canyon. A súa poesía vocal entrelázase con camiños psicodélicos, cunha imaxinería lírica de ceos despexados, ventos susurrantes e paisaxes en tons sepia, nunha atmosfera cósmica de folk-rock, capturando o romanticismo dos cantantes country e esa paixón de cantar desde o máis profundo da mente e a alma.