La Perra Blanco

La Perra Blanco é un trío nado en 2017 en La Línea de la Concepción, no sur de Cádiz, liderado por Alba Blanco  (cantante e guitarrista). Inspirada na música dos anos 50 formou este power trío, con influencias  tanto da música negra, do rhythm and blues e do gospel como de músicas brancas como hillbilly, rockabilly, country ou bluegrass.

Tras editar o seu primeiro álbum a finais de 2019 e o parón provocado pola pandemia, La Perra Blanco volveu  neste 2022 pola porta grande con infinidade de concertos e un novo disco, considerado pola crítica como o  mellor que gravou ata a data.  Como «La Perra Blanco, o mellor grupo de rockabilly español do momento, pois van morder e non semellan un tributo remollado e destinguido», presentábaos a publicación especializada 16Toneladas.

Alba Blanco preséntase en directo xunto ao contrabaixista Guillermo González e o baterista Jesús López, dous escudeiros de luxo,  con experiencia en moitos proxectos dentro da escena 50’s.