MOMBOI

Orixinarios de Noia, Momboi son un deses grupos que prestixian e dignifican unha escena musical, cunha proposta honesta, valente e aberta ao mundo.

A banda formouse en 2018, liderada polo carismático Brais Sánchez (guitarra e voz principal). Hoxe son un dos principais expoñentes desa nova xeración de músicos galegos interesados polas sonoridades do outro lado do atlántico. O seu son parte así do gusto pola música de raíz latinoamericana, pretendendo non tanto unha aproximación tradicional senón a mestura desta co funk, jazz, rock ‘n roll e por suposto o folk-rock máis fronteirizo. Todo iso aderezado por unhas letras con personalidade, que debuxan un universo propio cargado de misticismo onde tamén teñen cabida o amor e a nostalxia.